1ܐܝܼܢܵܐ ܡܲܕܘܼܥܝܹܐ ܝܘܵܚ ܐܸܠܵܘܟܼܘܿܢ؛ ܐܵܚܘܿܢܘܵܬܲܢ؛ ܫܵܦܵܩܲܬܹܗ ܕܐܲܠܵܗܵܐ ܕܦܸܫܠܵܗ̇ ܝܘܼܗَܒܼܸܠܬܵܐ ܒܥܹܕܵܬܹ̈ܐ ܕܡܵܩܹܕܘܿܢܝܼܵܐ؛ 2ܕܒܨܪܲܦܬܵܐ ܪܵܒܵܐ ܕܐܘܼܠܨܵܢܵܝܗܝ ܙܵܘܕܘܿܢܝܘܼܬܵܐ ܕܚܲܕܘܼܬܵܝܗܝ ܘܥܘܼܡܩܵܐ ܕܡܸܣܟܹܢܘܼܬܵܝܗܝ ܙܸܕܠܘܿܢ ܒܕܵܘܸܠܬܵܐ ܕܦܫܝܼܛܘܼܬܵܝܗܝ. 3ܣܵܒܵܒ ܒܸܣܗܵܕܵܐ ܝܘܸܢ؛ ܕܐܲܝܟܼ ܚܲܝܠܵܝܗܝ؛ ܘܙܵܘܕܵܐ ܡ̣ܢ ܚܲܝܠܵܝܗܝ؛ ܒܪܸܙܵܝܵܐ ܕܓܵܢܵܝܗܝ (ܝܸܗَܒܼܸܠܘܿܢ)؛ 4ܒܸܒܲܥܝܵܐ ܡܸܢܲܢ ܒܦܲܪܦܲܠܬܵܐ ܪܵܒܵܐ؛ ܥܲܠ ܕܐܵܗܵܐ ܫܵܦܵܩܲܬ ܘܫܵܪܝܼܟܘܼܬܵܐ ܒܚܸܠܡܲܬ ܠܩܲܕܝܼܫܹ̈ܐ؛ 5ܘܠܵܐ ܐܲܝܟܼ ܕܒܗܹܒܼܝܼ ܝܘܵܚ ܗَܘܵܘ؛ ܐܸܠܵܐ ܓܵܢܵܝܗܝ ܣܘܼܦܝܵܐ ܠܗَܘܿܢ ܩܵܕَܡܵܝܬܵܐ ܠܡܵܪܲܢ؛ ܘܐܘܼܦ ܐܸܠܲܢ ܒܪܸܙܵܝܹܗ ܕܐܲܠܵܗܵܐ. 6ܗܲܕܟܼܵܐ ܐܲܚܢܲܢ ܦܘܼܪܦܸܠܲܢ ܒܛܸܛܘܿܣ؛ ܕܐܲܝܟܼ ܕܫܘܼܪܹܐܠܹܗ؛ ܗܲܕܟܼܵܐ ܬܲܡܸܡ ܒܝܼܵܘܟܼܘܿܢ ܐܘܼܦ ܐܵܗܵܐ ܫܵܦܵܩܲܬ. 7ܐܸܠܵܐ ܕܵܐܟܼܝܼ ܕܒܟܠ ܡܸܢܕܝܼ ܒܸܙܝܵܕܵܐ ܝܬܘܿܢ؛ ܒܗܲܝܡܵܢܘܼܬܵܐ؛ ܘܒܗܲܡܙܲܡܬܵܐ؛ ܘܒܝܕܹܥܬܵܐ؛ ܘܒܟܠܵܗܿ ܚܵܒܵܛܘܼܬܵܐ؛ ܘܒܚܘܼܒܵܘܟܼܘܿܢ ܕܠܟܸܣܠܲܢ؛ ܐܘܼܦ ܒܐܵܗܵܐ ܫܵܦܵܩܲܬ ܙܵܝܕܝܼܬܘܿܢ. 8ܠܵܐ ܦܩܵܕܵܐ ܒܸܦܩܵܕܵܐ ܝܘܸܢ ܐܸܠܵܘܟܼܘܿܢ؛ ܐܸܠܵܐ ܒܝܲܕ ܚܵܒܵܛܘܼܬܵܐ ܕܐَܚܹܪَ̈ܢܹܐ ܠܓ̰ܵܪܘܼܒܹܐ ܐܘܼܦ ܣܲܪܲܣܬܘܼܬܵܐ ܕܚܘܼܒܵܘܟܼܘܿܢ. 9ܣܵܒܵܒ ܒܝܼܕܲܥܝܵܐ ܝܬܘܿܢ ܫܵܦܵܩܲܬܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܕܒܚܵܬܸܪ ܕܝܼܵܘܟܼܘܿܢ ܡܘܼܣܟܸܢܹܐ ܟܲܕ ܕܵܘܠܲܬܡܲܢܕ ܝܼܗَܘܵܐ؛ ܕܐܲܚܬܘܿܢ ܒܡܸܣܟܹܢܘܼܬܹܗ ܗܵܘܝܼܬܘܿܢ ܕܵܘܠܲܬܡܲܢܕܹ̈ܐ. 10ܐܝܼܢܵܐ ܪܵܐܝܝܼ ܒܸܥܒܼܵܕܵܐ ܝܘܸܢ ܐܸܠܵܘܟܼܘܿܢ ܒܐܵܗܵܐ؛ ܣܵܒܵܒ ܐܵܗܵܐ ܡܵܪܹܐ ܦܲܝܕܵܐ ܝَܠܵܗ̇ ܐܸܠܵܘܟܼܘܿܢ؛ ܕܡ̣ܢ ܫܹܢَܬܵܐ ܥܒܼܝܼܪܬܵܐ ܫܘܼܪܹܐܠܵܘܟܼܘܿܢ؛ ܠܵܐ ܠܸܥܒܼܵܕܵܐ ܗܲܪ؛ ܐܸܠܵܐ ܐܘܼܦ ܠܸܒܲܥܝܵܐ. 11ܐܝܼܢܵܐ ܐܵܕܝܼܵܐ ܬܲܡܸܡܘܿܢ ܠܥܒܼܵܕܬܵܐ؛ ܕܕܵܐܟܼܝܼ ܕܗَܘܹܐܠܵܗ̇ ܠܵܘܟܼܘܿܢ ܡܘܼܫܬܵܪܝܼܘܼܬܵܐ ܠܸܒܲܥܝܵܐ؛ ܗܲܕܟܼܵܐ ܐܘܼܦ (ܗܵܘܝܵܐ) ܬܲܡܲܡܬܵܐ ܡ̣ܢ ܡܸܢܕܝܼ ܕܐܝܼܬ ܠܵܘܟܼܘܿܢ. 12ܣܵܒܵܒ ܐܸܢ ܩܵܕَܡܵܝܬܵܐ ܗܵܘܹܐ ܪܸܙܵܝܵܐ؛ ܐܲܝܟܼ ܡܸܢܕܝܼ ܕܐܝܼܬ ܠܹܗ ܐَܢܵܫܵܐ ܟܹܐ ܦܵܝܸܫ ܩܘܼܒܠܵܐ؛ ܠܵܐ ܐܲܝܟܼ ܡܸܢܕܝܼ ܕܠܲܝܬ ܠܹܗ. 13ܣܵܒܵܒ ܠܹܐ ܝَܠܵܗ̇ ܕܠܐَܚܹܪَ̈ܢܹܐ ܗܵܘܝܵܐ ܪܵܗܲܬܘܼܬܵܐ؛ ܘܐܸܠܵܘܟܼܘܿܢ ܐܘܼܠܨܵܢܵܐ؛ ܐܸܠܵܐ ܒܒܵܪܒܵܪܘܼܬܵܐ؛ ܕܒܵܐܗܵܐ ܙܲܒܼܢܵܐ ܙܵܘܕܘܿܢܝܘܼܬܵܘܟܼܘܿܢ ܗܵܘܝܵܐ ܠܒܵܨܘܿܪܘܼܬܵܐ ܕܐܵܢܝܼ؛ 14ܕܐܘܼܦ ܙܵܘܕܘܿܢܝܘܼܬܵܐ ܕܐܵܢܝܼ ܗܵܘܝܵܐ ܠܒܵܨܘܿܪܘܼܬܵܐ ܕܝܼܵܘܟܼܘܿܢ؛ ܕܗܵܘܝܵܐ ܒܵܪܒܵܪܘܼܬܵܐ؛ 15ܐܲܝܟܼ ܕܝܼܠܹܗ ܟܬܝܼܒܼܵܐ؛ ܕܗ̇ܘ ܕܪܵܒܵܐ (ܓ̰ܘܼܡܸܥܠܹܗ) ܠܵܐ ܙܸܕܠܹܗ؛ ܘܗ̇ܘ ܕܚܲܟ̰ܵܐ؛ ܠܵܐ ܒܸܨܪܹܐ. 16ܐܝܼܢܵܐ ܡܸܢܬܵܐ ܡ̣ܢ ܐܲܠܵܗܵܐ؛ ܕܝܘܼܗܒܼܵܐܠܹܗ ܐܵܗܵܐ ܚܵܒܵܛܘܼܬܵܐ ܒܘܼܬ ܕܝܼܵܘܟܼܘܿܢ ܒܠܸܒܹܗ ܕܛܸܛܘܿܣ. 17ܣܵܒܵܒ ܦܲܪܦܲܠܬܲܢ ܩܘܼܒܠܵܠܹܗ؛ ܘܣܵܒܵܒ ܕܪܵܒܵܐ ܒܚܲܡ ܝܼܠܹܗ؛ ܡ̣ܢ ܪܸܙܵܝܵܐ ܕܓܵܢܹܗ ܦܠܸܛܠܹܗ ܠܟܸܣܠܵܘܟܼܘܿܢ. 18ܘܫܘܼܕܸܪܲܢ ܥܲܡܹܗ ܐܘܼܦ ܠܐܵܚܘܿܢܵܐ؛ ܗ̇ܘ ܕܚܸܩܪܹܗ ܒܐܹܘܵܢܓܵܠܝܼܘܿܢ ܝܼܠܹܗ ܓܵܘ ܟܠܵܝܗܝ ܥܹܕܵܬܹ̈ܐ. 19ܘܠܵܐ ܗܲܪ ܗܵܕܵܐ؛ ܐܸܠܵܐ ܐܘܼܦ ܓܵܒܘܿܝܹܐ ܓܘܼܒܝܵܐ ܝܠܹܗ ܡ̣ܢ ܥܹܕܵܬܹ̈ܐ ܕܦܵܠܸܛ ܥܲܡܲܢ ܒܐܵܗܵܐ ܫܵܦܵܩܲܬ؛ ܕܦܝܵܫܵܐ ܝَܠܵܗ̇ ܥܒܼܝܼܕܬܵܐ ܚܸܠܡܲܬ ܡܸܢܲܢ ܠܚܸܩܪܹܗ ܕܡܵܪܝܵܐ؛ ܘܠܡܘܼܫܬܵܪܝܼܘܼܬܵܐ ܕܝܼܲܢ؛ 20ܟܲܕ ܥܲܝܢܲܢ ܒܙܕܘܼܥܬܵܐ ܝَܠܵܗ̇ ܒܐܵܗܵܐ؛ ܕܐَܢܵܫܵܐ ܠܵܐ ܡܲܬܸܒܼ ܒܝܼܲܢ ܠܲܟܵܐ ܒܐܵܗܵܐ ܒܘܼܫܵܝܘܼܬܵܐ ܕܦܝܵܫܵܐ ܝَܠܵܗ̇ ܥܒܼܝܼܕܬܵܐ ܚܸܠܡܲܬ ܡܸܢܲܢ. 21ܣܵܒܵܒ ܕܒܹܐܟܼܵܠܵܐ ܝܘܵܚ ܚܲܡ ܕܫܘܼܠܹ̈ܐ ܫܵܦܝܼܪܹ̈ܐ؛ ܠܵܐ ܩܵܕَܡ ܡܵܪܝܵܐ ܗܲܪ؛ ܐܸܠܵܐ ܐܘܼܦ ܩܵܕَܡ ܒܢܲܝ̈ܢܵܫܵܐ. 22ܐܝܼܢܵܐ ܫܘܼܕܸܪܲܢ ܥܲܡܵܝܗܝ ܐܘܼܦ ܠܐܵܚܘܿܢܲܢ؛ ܗ̇ܘ ܕܦܸܫܠܹܗ ܒܘܼܚܪܵܐ ܡܸܢܲܢ ܪܵܒܵܐ ܓܵܗܹ̈ܐ ܒܪܵܒܵܐ ܡܸܢܕܝܵܢܹ̈ܐ؛ ܕܚܵܒܛܵܢܵܐ ܝܠܹܗ؛ ܐܝܼܢܵܐ ܐܵܕܝܼܵܐ ܒܘܼܫ ܙܵܘܕܵܐ ܚܵܒܛܵܢܵܐ؛ ܣܵܒܵܒ ܕܗܹܒܼܝܼ ܪܵܒܵܐ ܕܒܘܼܬ ܕܝܼܵܘܟܼܘܿܢ. 23ܐܸܢ ܥܲܠ ܛܸܛܘܿܣ (ܗܵܘܝܵܐ ܒܵܩܲܪܬܵܐ)؛ ܫܵܪܝܼܟܵܐ ܕܝܼܝܼ ܝَܠܹܗ؛ ܘܗܲܝܸܪܵܢܵܐ ܓܵܘܵܘܟܼܘܿܢ؛ ܘܐܸܢ ܐܵܚܘܿܢܘܵܬܲܢ؛ ܫܠܝܼܚܹ̈ܐ ܕܥܹܕܵܬܹ̈ܐ ܘܚܸܩܪܹܗ ܕܡܫܝܼܚܵܐ ܝܢܵܐ. 24ܒܲܣ ܡܲܕܥܵܝܬܵܐ ܕܚܘܼܒܵܘܟܼܘܿܢ ܘܕܫܘܼܒܼܗܵܪܲܢ ܒܝܼܵܘܟܼܘܿܢ؛ ܡܲܕܸܥܡܘܿܢ ܓܵܘܵܝܗܝ ܘܩܵܕَܡ ܥܸܕܵܬܹ̈ܐ.